احبچ یا خفاجیتی - الخفاجیه هیه احد مدن محافظه الاهواز
احبچ یاخفاجیتی
احـبچ یا خـفـاجیتی احـبچ یا خـفاجـیتی
احــبـچ یا غـطـای و مـسـکـنی و بـیـتی
و احـب شیـمـه مضایفـنا التـعلم ادروس
مـــن دیـوان اهــلــچ نـلــت تـربـیـتـی
و احب شطچ الکرخه الجاسم ابوسطاچ
مثـل فـرگ الـحـدیـثـه عـلیـه قـاویـتی
واحب شطچ الکرخه الیجری غیره وزود
صـحـیـح الـمـای جف و عاف محمیتی
بـس ظـلّـت الـغـیره مـوج یـدفع موج
والـحـاوی انتـرس زود و غـرگ بـیتی
مـن نـزلت الـغـیـره اثـلاث للاســلام
فـتّـحــتی الـزبــیـل و مـنـته عـبـیّـتـی
ثـلـث بـیـه الـعـرب و الـعـجم متقسمین
و ثـلـثـیـن البـگن یاخی بـخـفـاجـیتـی
یــا دار الــعـلـم و الـتـقـوی و الایـمـان
چــم عــالـم الـخدمـوا مـوطنـی اهدیتی
بـیـه الــکـرمـی الـی نبـع مــن هـل ناس
و بـگه للـدوم فخـری و هیبیتـی وصیتی
و بـیـهـه الــشیــخ مــهـدی الـعـالم الـفتـاک
و بـحــضنــچ تــرعــرع و حــقـق امــنـیـتـی
و عدنه بل ادب زایر علی و حمود ابن سلطان
و مـن عـدهـم یا عمـی اعـجـزت قـاضـیتــی
و عدنه بل علم ذاک الطبیب الـمالکی الـمعلول
و بــریــاح الــغـلـم عَــل خــلـگ هـبـیـتــی
مــشـاهـیـر الـعـلـم مـن عـنـدچ بـهـل کــون
مــحــی الــدیــن بــاکــسفـــورد خــلیــتـی
و عــدنــه ابـدیــن ذاک الـمـنـکـت الـفـنـان
مستـربیـن لـجـله ایروح فـدوه اشکثر صنعیتی
شـریـد احـچـی و شگـولـن بل وصف حیران
چـــم مــجــنــون بــیـچ الــیــوم جــنـیـتــی
اذا گـالـو الـثـوره عد ابن نـاصر جمال و بس
اشــهـدی یــا ارض چــم حــیـد طــمـیـتــی
عـدنه ارجـال ثـارو بلا سلاح ابـغیره متحزمین
و ابــن زیـبـگ حـداهـا و رفـع تــسمــیـتــی
و عـدنـه ارجال بـل مـنیور ثاروا علی الطـوب
و جــدام الاهــل عــل خـــصـم هــدیــتـــی
چم گوگه الفشخناها بعزم مگوار
و بدموم الغزات انتی توضیتی
ظل اسمچ ابلندن للخلگ کابوس
چم حید الی منهم انتی بچیتی
اذا مرّچ عسر لو چلچل الطوفان
و اذا واحد یمس ایرید حوریتی
یا دیرت هلی محزم و عد عیناچ
و اذا انتی ابأسم اهلچ تنخیتی
اخلی الگاع تصرخ و الجیوش اتهیم
و اذا شدیت بیه البگعه چفیتی
نذر آنه و اخوتی الچ یا دیرت اهل الطیب
و اوفیلچ مثل ما انتی وفیّتی
اجیب النصر بیدی و اعلگ الافراح
وبصوتک یاخویه انشد اغنیتی
و اعود ایام ذیچ بل خرابه و الکصر وتیل
و بعزفت المطبگ تحله چوبیتی
و تخیل اطوار محمد الجنجول
البلهور العظیم و یجر سعدیتی
البسیتین هیبه و تاج فوگ الراس
والحویزه تظل یا عمی ترچیتی
و ارفیعچ جزیره ایحدد الگبان
و الفاله رمز و الصید بنیتی
بخناجرهم اهلها الشیب و الشبان
و ابحلگ الشریعه ایجر ابوذیتی
یا دیرت هلی شحچی و شگول اعلیچ
متحیر ابوصفچ یا عبودیتی
اذا من خاف من ربی الخالق الأکوان
چا صرتی قبلتی و مرجعی و نیتی
مرهم عل جروح اترابچ الطیب
اذا موتن یظل کافوری ودیتی
انا ارجا شباب وشیب الأطفال
نقدّس هل مدینه ابعزم اهالیتی
اذا اموتن یا خوتی برگبه الجناز
و ذمه وهای اوصیتی
عله گبری و صخرته سجلو الچلمات
احبچ یا خفاجیتی احبچ یا خفاجیتی
من کلمات الشاعر :باسم حمادی
