الشاعر حسن بن محیسن العاشور النیسی

من شعره:

الابوذية:
دلیلی بشوگ وبلهفه بدالک****عزیزو لاظن واحد بدالک
دگلی یا ذنب منی بدالک****تغیب وتشعل النیران بیه
*********
دلیلی عگب شخصک ذاب ونهار****یریت اتمر علیه ابلیل ونهار
عشرتی اویاک مثل الشجرونهار****ویموت الشجرمن نشف میه
*********
سره ضعن الاحبه وعیب وانه****صحت وبصدری العبرات وانه
ترکنی وخله بدلال وانه****گطع وشتعلت النیران بیه
*********
ذبل خدک ذبول الورد و الیاس****صعب هجرک سگانی الکدرو الیاس
ماجرب محنتی اسحاگ والیاس****ولایعگوب مرابهل اذیه
*********
چنت ویاک مثل الجرف ولمای****ولاترهم اذا متکون ولمای
بعد شیفید نوحی ویاک ولمای****اذا شوفک رحت منبین ادیه
*********
وحگ الله ونبی الرحمه والکتاب****دمعی ویلحبر سایل ولکتاب
دلیلی لاتظن یرجع ولکتاب****بسبب جهلک وضیم اهلک علیه
*********
چنت ویاک مثل الحجل وساگ****اذا تعطش اصیرن مای وساگ
شگول اعله الحده بظعن وساگ****سرو بظعونهم وگطعوبیه
*********
تمل دنیای منی مرمله****ولامره بسعاده مرمله
عیا یه وعمت عینی مرمله****وعواصف من الام تچثح علیه
*********
همومی ارمال ونجمعت تلولی****غریب و دمعتی ابعینی تلولی
طفل و بلدغته اشینفع تلولی****الزهر بحشاه وبحال الاذیه
*********
یضل نهجه املنه والعداله ****ربح دینه السلکله والعداله
یگص ارگاب خصمه والعداله****یضل شامخ ابن زهره الزچیه
********
یصاحب گوم جرسیفک وسله****عدوک خل یجر حسره وسله
یعیداحگوگنه الضاعت وسله****اضلوع الزهرا هم اتعودهیه
*********
یمهدی حسین زوره والهواشم (شم هواه)****شل طبرات صدره والهواشم
لم شمل السبایه والهواشم****اجبر لوعة الحره الزچیه
*********
وحگ رب السمه الباری ولاحد****علی البتاربس سیفک ولاحد
بدروحنین شهدولک ولاحد****حصن خیبر وبیبانه سویّه
**********
برب الکون ارید اقسم ونصه****صرت کاروک لهمومی ونصه
هجرنی ومرد نص گلبی ونصه****تفتت والطبیب احتاربیه
**********
وحگ عباس یوم النطه کفه****الک کفه تضل وناس کفه
دسدباب العتب یاخوی کفه****انه المخلص الک حدالمنیه
*********
یلم همه الزمان اوعلی ینصاب****یوج نیران تحت الضلع ینصاب
اشلون احسین گلی ابسهم ینصاب****واروح امیسره وی آل امیه
*********
یهل نایم عله الغبره والمصاب****تهل ادموع الک عینی والمصاب
سهم فقدک مردگلبی والمصاب****وترک نیران بضلوعی سریّه
*********
و من شعر الدارمي:
عهد الإخوّه اویاک بدّم کتبته****وعند الله والعباس صدگ ثبته
*********
اهلا و سهلا بیک یلگاصد انه****ضع جدمک اعله العین وحسبهه منّه
*********
صدگنی احبک دُم وسئل دلیلک****ومجانک الدلال وبعینی اشیلک
*********
صدگنی الک مشتاگ وتنطر الباب****بلکت تجینی الیوم یا اغله الحباب
*********
تذکر عزیزالروح شگد واعدتنی ****جرح اللفانی اصغیرلیش اترکتنی
*********
گلبی شعلته ابنار لتطول الأغیاب****وبجیتک تطفیه یا اغله الأحباب
*********
ایدگ گلبی ظل بهدای من کثر الهموم ****کل ظنی ملک الموت اگبالی ایحوم
*********
حسدونی کل الناس شافونی ویاک****ابسرموتی مایدرون مرتبط بجفاک
*********
هامت علیک الروح جابتنی لیکم****لودربی من تیزاب هم اعتنیکم
*********
زعلک یشیب الراس ویذل العیون****عود امنشوفک های لوتبعد اشلون
*********
ابروحی اشب النار واحرگهه یمکم****منطفا وتلمنی ارماد اصرخ احبکم

( منقووووووول من موقع أدبناء )